O‘zbekistonning 1983—1988-yillardagi rahbari Inomjon Usmonxo‘jayev vafot etdi

O‘zbekiston davlat va jamoat arbobi Inomjon Usmonxo‘jayev 17-mart kuni, 86 yoshida vafot etdi. Bu haqda “Novosti Uzbekistana” xabar bermoqda.

1930-yil Farg‘onada tug‘ilgan Inomjon Usmonxo‘jayev 1972—1974-yillarda Namangan viloyatiga, 1974—1978-yillarda Andijon viloyatiga rahbarlik qilgan.

1978-yildan to Sharof Rashidovning vafotiga qadar — 1983-yilgacha O‘zbekiston Oliy Kengashiga raislik qilib, 1983—1988-yillarda O‘zbekistonga rahbarlik qilgan.

“Qayta qurish” davrida korrupsiyada ayblangan. 1989-yil dekabrida “paxta ishi” bo‘yicha 12 yilga ozodlikdan mahrum etilgan, 1990-yil ozodlikka chiqarilgan. 2016-yil dekabrida esa, “Novosti Uzbekistana”ning qayd etishicha, to‘liq oqlangan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!