Toshkent shahridagi 115 ta chorrahaga o‘rnatilgan videokuzatuv moslamalari 15-martdan ishga tushiriladi. Bu haqda O‘zbekiston Ichki ishlar vazirligi Yo‘l harakati xavfsizligi bosh boshqarmasi boshlig‘i, polkovnik Xolmatjon Saydaliyev ma’lum qildi.
Sinov tariqasida ishga tushirilishining sababi shundaki, bu yangilik bizda ilk bor qo‘llanilayapti. 15-mart kunidan boshlab qoidabuzarliklar uchun jarima solish to‘g‘risidagi qaror transport vositasining mulkdoriga jo‘natilaveradi. Aynan mana shu ish jarayonida tizimdagi texnikalarning ishlashini nazorat qilib olamiz. Yuzaga keladigan muammolar va kamchiliklarni bartaraf etish choralarini ko‘ramiz. Shu sababli ham sinov tariqasida, deb aytilayapti.Toshkent chorrahalaridagi kameralar sinov tartibida ishga tushgani, biroq jarimalar yozmayotgani haqida 2016-yil yanvarida xabar berilgan edi. 2017-yil fevralida esa O‘zbekiston Prezidenti Shavkat Mirziyoyev Toshkent chorrahalaridagi videokuzatuv tizimini qisqa muddatda ishga tushirish haqida ko‘rsatma bergani ma’lum bo‘lgan edi.Xolmatjon Saydaliyev, O‘zbekiston IIV YHXBB boshlig‘i
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)