Navoiy viloyatining Uchquduq tumanida Navro‘z bayrami arafasida yangilangan “Kelajak” yoshlar markazini ochish rejalashtirilmoqda, deb yozadi “Gazeta.uz”.
Xabarda aytilishicha, O‘zbekiston Prezidenti Shavkat Mirziyoyev 2016-yil noyabrda Navoiy viloyati saylovchilari bilan saylovoldi uchrashuvida 2014-yildan buyon faoliyat yuritib kelayotgan yoshlar markazini rekonstruksiya qilish va kengaytirish tashabbusini qo‘llab-quvvatlagan edi. Navoiy kon-metallurgiya kombinati bosh direktori Quvondiq Sanaqulov buyrug‘i bilan qurilish-montaj ishlari dekabr oyida boshlandi.
Obyekt rekonstruksiyasiga NKMK Markaziy kon boshqarmasi va Shimoliy kon boshqarmasining Zarafshon qurilish boshqarmasi xodimlaridan 150 dan ortig‘i jalb qilingan. Rekonstruksiyaga kombinat mablag‘laridan 1 milliard so‘mga yaqin ajratilgan.
Yangilangan markazda 200 kishilik yangi faollar zali, kutubxona va trenajyor zali paydo bo‘ladi. Yigit-qizlar bu yerda tikish, to‘qish, qubbachilik, karving bo‘yicha to‘garaklarda shug‘ullanishi hamda rus, ingliz va koreys tillarini o‘rganishi mumkin.
Izoh (0)