Germaniya tashqi ishlar vazirligining sobiq rahbari Frank-Valter Shtaynmayer mamlakat prezidenti etib saylandi, deya xabar bermoqda “Kommersant”.
Germaniya federal majlisi (parlamenti) ko‘pchilik ovoz bilan Shtaynmayerni saylagan — 1260 parlament a’zosidan 931 nafari sobiq vazir uchun ovoz bergan.
Xabar berishlaricha, janob Shtaynmayerni Angela Merkel koalitsiyasi ham qo‘llab-quvvatlagan. Mamlakatga 2012-yil 18-martidan beri Yoaxim Gauk prezidentlik qilib kelayotgan edi.
Frank-Valter Shtaynmayer Germaniya tashqi ishlar vaziri lavozimidan ketganidan so‘ng, uning o‘rnini Germaniya sotsial-demokratik partiyasi raisi va sobiq iqtisodiyot vaziri Zigmar Gabriel egallagan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)