Германия ташқи ишлар вазирлигининг собиқ раҳбари Франк-Вальтер Штайнмайер мамлакат президенти этиб сайланди, дея хабар бермоқда «Коммерсантъ».
Германия федерал мажлиси (парламенти) кўпчилик овоз билан Штайнмайерни сайлаган — 1260 парламент аъзосидан 931 нафари собиқ вазир учун овоз берган.
Хабар беришларича, жаноб Штайнмайерни Ангела Меркель коалицияси ҳам қўллаб-қувватлаган. Мамлакатга 2012 йил 18 мартидан бери Йоахим Гаук президентлик қилиб келаётган эди.
Франк-Вальтер Штайнмайер Германия ташқи ишлар вазири лавозимидан кетганидан сўнг, унинг ўрнини Германия социал-демократик партияси раиси ва собиқ иқтисодиёт вазири Зигмар Габриэл эгаллаган эди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)