Афғонистоннинг Ҳелманд вилоятида олиб борилган бир неча махсус операциялар вақтида камида 54 нафар жангари йўқ қилинди. «Коммерсантъ»нинг ёзишича, улар орасида «Толибон» жангари ҳаракати қўмондонларидан бири ҳам бор.
Афғонистон Мудофаа вазирлиги ахборотига кўра, барча жангарилар Гарамсер ноҳиясида йўқ қилинган. Қайд этишларича, махсус операция Афғонистон армиясининг артиллерия бўлинмалари ва мамлакат ҳарбий-ҳаво кучлари кўмагида ўтказилган.
Ҳелманд Афғонистон жанубидаги энг нотинч вилоятлардан биридир. Ўтган ҳафта «Толибон» жангариларининг босқини сабаб ҳудудда вазият оғирлашди.
Сўнгги бир неча ойдан бери мамлакатда «Толибон» жангари ҳаракати фаоллашган, ҳаракат аъзолари бир неча бор йирик шаҳарларга ҳужум уюштирди. Афғонистонда, шунингдек, ИШИД террорчилик ташкилоти ҳам фаол.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)