Yaponiya va AQSh KXDRning raketa va yadro dasturlari Osiyo-Tinch okeani mintaqasi xavfsizligiga rahna soladi, deb hisoblaydi. Bu haqda Pentagon rahbari Jeyms Mettis yaponiyalik hamkasbi Tomomi Inada bilan uchrashuv yakunidagi matbuot anjumanida aytib o‘tdi, deb yozadi “TASS”.
Inada, o‘z navbatida “Yaponiya-Amerika alyansi Osiyoda tinchlikni saqlab turish uchun juda zarurligi”ni ta’kidladi.
KXDR o‘tgan yili ikkita yadro sinovini o‘tkazdi va 20 dan ortiq ballistik raketa uchirdi. 2017-yil yanvarida Pxenyan yaqin orada qit’alararo ballistik raketa uchirish niyatini ma’lum qildi.
BMT Xavfsizlik kengashi yadro va raketa sinovlari munosabati bilan KXDRga qarshi sanksiyalarni qat’iylashtirish haqida rezolyutsiya qabul qildi.
Izoh (0)