AQSh mudofaa vaziri Jeyms Mettis Eronni terrorizmning asosiy homiylaridan biri deb atadi. Tegishli bayonot bilan u yaponiyalik hamkasbi Tomomi Inada bilan uchrashuv yakunidagi matbuot anjumanida chiqish qildi, deb yozadi “TASS”.
“Eron muammosiga kelsak, bu davlat jahon terrorizmining asosiy homiylaridan biri hisoblanadi. Biz buni Eronga bildirib qo‘yishimiz kerak”, — dedi Pentagon rahbari.
Shu bilan birga, Mettis “Eron muammosi tufayli Amerikaning Yaqin Sharqdagi harbiy ishtirokini kengaytirish zaruriyatini ko‘rmayotgani”ni qo‘shib qo‘ydi.
AQSh 3-fevral, juma kuni Eron bo‘yicha sanksiyalarni kengaytirdi va qora ro‘yxatga 13 kishi va 12 ta tuzilmani qo‘shdi. Ushbu cheklovlar Tehron tomonidan ballistik raketalar ishlab chiqilishi dasturiga aloqador bo‘lgan yoki “islom inqilobi posbonlari” Korpusini qo‘llab-quvvatlayotganlarga nisbatan kiritiladi.
Izoh (0)