АҚШ мудофаа вазири Жеймс Мэттис Эронни терроризмнинг асосий ҳомийларидан бири деб атади. Тегишли баёнот билан у япониялик ҳамкасби Томоми Инада билан учрашув якунидаги матбуот анжуманида чиқиш қилди, деб ёзади «ТАСС».
«Эрон муаммосига келсак, бу давлат жаҳон терроризмининг асосий ҳомийларидан бири ҳисобланади. Биз буни Эронга билдириб қўйишимиз керак», — деди Пентагон раҳбари.
Шу билан бирга, Мэттис «Эрон муаммоси туфайли Американинг Яқин Шарқдаги ҳарбий иштирокини кенгайтириш заруриятини кўрмаётгани»ни қўшиб қўйди.
АҚШ 3 февраль, жума куни Эрон бўйича санкцияларни кенгайтирди ва қора рўйхатга 13 киши ва 12 та тузилмани қўшди. Ушбу чекловлар Теҳрон томонидан баллистик ракеталар ишлаб чиқилиши дастурига алоқадор бўлган ёки «ислом инқилоби посбонлари» Корпусини қўллаб-қувватлаётганларга нисбатан киритилади.
Изоҳ (0)