Fransiya politsiyasi Respublikachilar partiyasidan prezidentlikka nomzod Fransua Fiyon rafiqasi ishi bo‘yicha surishtiruv doirasida Senat binosida tintuv o‘tkazdi.
Fransua Fiyonning rafiqasi davlat mablag‘larini o‘zlashtirishda gumon qilinmoqda. Bu haqda Europe 1 radiostansiyasi ma’lum qildi, deb yozadi “Kommersant.ru”.
3-fevral tongida Korrupsiya, moliya va soliq jinoyatlariga qarshi kurashuvchi markaziy byuroning uch nafar xodimi Fransua Fiyonning rafiqasiga maosh to‘lovlari haqidagi ma’lumotlarga ega bo‘lishi mumkin bo‘lgan hujjatlarni olib qo‘yish uchun Fransiya parlamentining yuqori palatasiga yetib keldi.
Shuningdek, tergovchilar janob Fiyonning ikki nafar farzandiga nisbatan shu kabi faktlar haqida ma’lumot berishi mumkin bo‘lgan hujjatlarni ham oldi.
Eslatib o‘tamiz, Fransua Fiyon rafiqasining daromadlari bilan bog‘liq mojaro tufayli siyosatchining reytingi jiddiy zarar ko‘rdi.
U soxta lavozimni egallash va turmush o‘rtog‘ining parlamentdagi yordamchisi sifatida haq olganlikda gumon qilinmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)