Франция полицияси Республикачилар партиясидан президентликка номзод Франсуа Фиён рафиқаси иши бўйича суриштирув доирасида Сенат биносида тинтув ўтказди.
Франсуа Фиённинг рафиқаси давлат маблағларини ўзлаштиришда гумон қилинмоқда. Бу ҳақда Europe 1 радиостанцияси маълум қилди, деб ёзади «Коммерсант.ru».
3 февраль тонгида Коррупция, молия ва солиқ жиноятларига қарши курашувчи марказий бюронинг уч нафар ходими Франсуа Фиённинг рафиқасига маош тўловлари ҳақидаги маълумотларга эга бўлиши мумкин бўлган ҳужжатларни олиб қўйиш учун Франция парламентининг юқори палатасига етиб келди.
Шунингдек, терговчилар жаноб Фиённинг икки нафар фарзандига нисбатан шу каби фактлар ҳақида маълумот бериши мумкин бўлган ҳужжатларни ҳам олди.
Эслатиб ўтамиз, Франсуа Фиён рафиқасининг даромадлари билан боғлиқ можаро туфайли сиёсатчининг рейтинги жиддий зарар кўрди.
У сохта лавозимни эгаллаш ва турмуш ўртоғининг парламентдаги ёрдамчиси сифатида ҳақ олганликда гумон қилинмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)