Saudiya Arabistoni hukumati 31-yanvar, seshanba kuni qo‘shilgan qiymat uchun soliq kiritilishini tasdiqladi, deb yozadi “Kommersant”.
Bu o‘tgan yili Fors ko‘rfazida hamkorlik bo‘yicha Kengash mamlakatlari o‘rtasida kelishilgan edi. U kelasi yildan boshlab ma’lum tovarlarga nisbatan qo‘llaniladi, uning miqdori esa 5 foizni tashkil etadi.
QQSning joriy etilishi mamlakat hukumati tomonidan o‘tgan yili ma’qullangan “Milliy transformatsiya dasturi”ga kirgan tadbirlardan biridir. Uning asosiy vazifalari neft narxi pasayishi sharoitida Saudiya iqtisodiyotini diversifikatsiyalash va uning daromadlarini ko‘paytirishdan iborat.
Shu vaqtgacha Saudiya Arabistoni iqtisodiyoti neft savdosiga moslashgan edi — qora oltin eksporti hissasiga davlat daromadlarining 73 foizi to‘g‘ri kelardi. Ammo 2014-yil kuzida yoqilg‘i bozorida neft narxining pasayishi shunga olib keldiki, o‘tgan yil yakunlariga ko‘ra, mamlakat byudjeti taqchilligi rekord darajadagi 97 milliard dollarga teng bo‘ldi.
Izoh (0)