Iroq parlamenti AQSh fuqarolarining mamlakat hududiga kirishini taqiqlovchi qonun loyihasini ma’qulladi. Meduza’ning yozishicha, taqiq 90 kun amal qiladi.
AQSh tomonidan joriy etilgan taqiqqa nisbatan “javob chorasi” deb nomlangan qonun deputatlarning ko‘pchiligi tomonidan ma’qullangan.
Vaqtinchalik taqiq amerikalik harbiylar, Amerikaning nohukumat va insonparvarik tashkilotlari xodimlari, neft kompaniyalari vakillari va ishchi sabablar kelayotgan boshqa AQSh fuqarolarining Iroqqa kirishiga qanchalik ta’sir qilishiga aniqlik kiritilmagan.
AQSh prezidenti Donald Tramp 27-yanvar kuni yetti mamlakat — Iroq, Yaman, Eron, Sudan, Liviya, Suriya va Somali fuqarolarining AQShga kirishini uch oyga taqiqlab qo‘ydi.
Bu taqiq mazkur mamlakatlarning AQSh vizasiga ega fuqarolariga ham taalluqli. Bundan tashqari, qochoqlarni qabul qilish dasturi ham 120 kunga to‘xtatilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)