Gallup-Healthways’ning yangi reytingiga ko‘ra, Gavayi 2016-yil yakunlari bo‘yicha AQShning eng farovon shtati deb tan olindi. Bu haqda “Kommersant.ru” xabar berdi.
Reyting mualliflari fuqarolar hayotini 100 ballik shkalada beshta ko‘rsatkich asosida baholagan: fuqarolarning qilayotgan ishidan umumiy qoniqish darajasi, yashash joyidan qoniqish darajasi, shuningdek, ijtimoiy, moliyaviy va jismoniy (sog‘lik holati) omillar.
Natijada, Gavayi aholisining farovonlik darajasi 65,2 ballni tashkil etib, bu so‘nggi uch yilda AQShning istalgan shtati uchun eng yuqori ko‘rsatkich hisoblanadi.
Eng past ko‘rsatkichlar G‘arbiy Virjiniya (58,9), shuningdek, Kentukki, Oklaxoma va Indiana (60,5 dan)da qayd etildi. Mamlakat bo‘yicha umumiy reyting 62,1 bo‘lib, bu Amerika xalqi farovonligining kuzatuvlar boshlangan 2008-yildan beri qayd etilgan eng yuqori ko‘rsatkichi hisoblanadi.
Shuningdek, hisobotda qayd etilishicha, 2016-yilda aholi o‘rtasida chekuvchilarning eng kam foizi qayd etildi (18 foiz, 2008-yilda 21 foiz).
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)