Gallup-Healthways’нинг янги рейтингига кўра, Гавайи 2016 йил якунлари бўйича АҚШнинг энг фаровон штати деб тан олинди. Бу ҳақда «Коммерсант.ru» хабар берди.
Рейтинг муаллифлари фуқаролар ҳаётини 100 баллик шкалада бешта кўрсаткич асосида баҳолаган: фуқароларнинг қилаётган ишидан умумий қониқиш даражаси, яшаш жойидан қониқиш даражаси, шунингдек, ижтимоий, молиявий ва жисмоний (соғлик ҳолати) омиллар.
Натижада, Гавайи аҳолисининг фаровонлик даражаси 65,2 баллни ташкил этиб, бу сўнгги уч йилда АҚШнинг исталган штати учун энг юқори кўрсаткич ҳисобланади.
Энг паст кўрсаткичлар Ғарбий Виржиния (58,9), шунингдек, Кентукки, Оклахома ва Индиана (60,5 дан)да қайд этилди. Мамлакат бўйича умумий рейтинг 62,1 бўлиб, бу Америка халқи фаровонлигининг кузатувлар бошланган 2008 йилдан бери қайд этилган энг юқори кўрсаткичи ҳисобланади.
Шунингдек, ҳисоботда қайд этилишича, 2016 йилда аҳоли ўртасида чекувчиларнинг энг кам фоизи қайд этилди (18 фоиз, 2008 йилда 21 фоиз).
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)