Toshkentda xokkey uchrashuvlarini o‘tkazish imkonini beruvchi muz saroyi quriladi

Toshkentda 2017-yil birinchi yarmida zamonaviy muz saroyi barpo etiladi. Bu haqda, ishonchli manbalarga asoslanib, “Qalampir.uz” xabar bermoqda.

Yangi muz saroyi Toshkentning Afrosiyob va Beshyog‘och ko‘chalari kesishmasidagi maydonda, “O‘zbekiston” metro bekatiga yaqin hududda barpo etiladi.

“Ayni damda maydon atrofi o‘rab olinib, qurilish ishlariga start berilgan”, — deyiladi “Qalampir.uz” xabarida.

Muz saroyi ikkita asosiy kompleksdan iborat bo‘ladi. Unda xokkey uchrashuvlarini ham o‘tkazish imkoni bo‘lishi aytilmoqda.

Toshkentda avvallari ham xokkey uchrashuvlarini o‘tkazish mumkin bo‘lgan muz saroyi (“Yubileyniy”) bo‘lgan, keyinchalik uning o‘rnida “O‘zko‘rgazmasavdo” binosi qad rostlagan.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.