Конго Демократик Республикасида икки вертолётнинг қулаши оқибатида уч киши ҳалок бўлди. «РИА Новости» хабарига кўра, қурбонларнинг икки нафари россиялик учувчилардир.
Конго ДР армияси генерали Леон Мушаленинг маълум қилишича, экипажларнинг яна уч аъзоси — тахминларга кўра, улар ҳам россиялик — жабрланган.
Мушаленинг сўзларига кўра, иккита Ми-24 вертолёти мамлакатнинг тоғли ҳудудларидан бирида «ноқулай об-ҳаво шароити сабаб» қулаган.
«Қидирув ишлари давомида уч кишининг жасади топилди — бири Конго ДР армияси зобити, қолган иккиси россиялик учувчи», — дейди генерал.
Хабар беришларича, авиаҳалокат оқибатида яна бир россиялик учувчи конголик исёнчиларнинг М23 жанговар гуруҳи томонидан асирга олинган.
Reuters агентлиги тарқатган ахборотга кўра, М23 жангарилари Конго ДРнинг шарқий қисмида қулаган ҳарбий вертолёт экипажининг тўрт аъзосини асир олган.
Асир олинганларнинг уч нафари қийнаб ўлдирилган. Агентлик ҳалок бўлганларнинг қайси мамлакатга мансублигини билдирмаган.
Ўз навбатида, М23’нинг Угандада жойлашган сиёсий қаноти вакили гуруҳ жангарилари Конго ДР ҳудудига киргани ҳақидаги хабарларни рад этди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)