Суриянинг Дайр-аз-Зор шаҳрида 15—23 январь оралиғида ўққа тутишлар оқибатида 19 нафар тинч аҳоли вакили ҳалок бўлди, 44 киши жароҳатланди. Бу ҳақда БМТнинг гуманитар масалаларни мувофиқлаштириш бошқармаси ҳисоботида маълум қилинди, деб хабар беради «Коммерсантъ».
Ҳисоботда давом этаётган жанглар шаҳарнинг гуманитар ёрдамга эҳтиёжини ошираётгани қайд этилган. Дайр-аз-Зорнинг 97 нафар фуқаросига шошилинч тиббий эвакуация талаб этилади.
Эслатиб ўтиш жоиз, Суриянинг кўплаб вилоятларида бўлгани каби Дайр-аз-Зор шаҳрида ҳам вазият таҳликали тус олишига, ИШИД экстремистик гуруҳининг террорчилик ҳаракатлари сабаб бўлмоқда.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)