12 nafar Nobel mukofoti sovrindorlari AQSh prezidenti Donald Trampning yettita musulmon mamlakatlari fuqarolarining mamlakatga kirishini taqiqlovchi va boshpana berish dasturini to‘xtatib turuvchi farmoniga qarshi petitsiya imzoladi, deb yozadi Meduza.
Petitsiyaga Nobel sovrindorlari Filip Uorren Anderson (fizika, 1977), Linda Bak ( fiziologiya yoki tibbiyot, 2014), Yujin Fama (iqtisodiyot, 2013), Endryu Fayer (fiziologiya yoki tibbiyot, 2006), Lars Peter Xansen (iqtisodiyot, 2013), Robert Lukas (iqtisodiyot, 1995), Erik Maskin (iqtisodiyot, 2007), Rojer Mayerson (iqtisodiyot, 2007), Elvin Rot (iqtisodiyot, 2012), Rendi Shekman (fiziologiya yoki tibbiyot, 2013), Xarold Valmus (fiziologiya yoki tibbiyot, 1989), Erik Vishaus (fiziologiya yoki tibbiyot, 1995) o‘z imzosini qo‘ydi.
Murojaatni jami 2200 kishi imzoladi. Imzolar soni hali oshadi.
Petitsiyada aytilishicha, Donald Tramp tomonidan kiritilgan cheklovlar AQShda ilm-fanga salbiy ta’sir o‘tkazadi, chunki mamlakatda chet elliklar ham o‘qiydi va ishlaydi. Olimlar joriy etilgan cheklovlar oilalarni ajratib yuborishi mumkinligini, chunki ba’zilarga AQShga kirish taqiqlanishi, boshqalar esa mamlakatni tark etgach, qaytib kela olmasligini ta’kidladi.
Izoh (0)