12 нафар Нобель мукофоти совриндорлари АҚШ президенти Дональд Трампнинг еттита мусулмон мамлакатлари фуқароларининг мамлакатга киришини тақиқловчи ва бошпана бериш дастурини тўхтатиб турувчи фармонига қарши петиция имзолади, деб ёзади Meduza.
Петицияга Нобель совриндорлари Филип Уоррен Андерсон (физика, 1977), Линда Бак ( физиология ёки тиббиёт, 2014), Южин Фама (иқтисодиёт, 2013), Эндрю Фаер (физиология ёки тиббиёт, 2006), Ларс Петер Хансен (иқтисодиёт, 2013), Роберт Лукас (иқтисодиёт, 1995), Эрик Маскин (иқтисодиёт, 2007), Рожер Майерсон (иқтисодиёт, 2007), Элвин Рот (иқтисодиёт, 2012), Ренди Шекман (физиология ёки тиббиёт, 2013), Харолд Валмус (физиология ёки тиббиёт, 1989), Эрик Вишаус (физиология ёки тиббиёт, 1995) ўз имзосини қўйди.
Мурожаатни жами 2200 киши имзолади. Имзолар сони ҳали ошади.
Петицияда айтилишича, Дональд Трамп томонидан киритилган чекловлар АҚШда илм-фанга салбий таъсир ўтказади, чунки мамлакатда чет элликлар ҳам ўқийди ва ишлайди. Олимлар жорий этилган чекловлар оилаларни ажратиб юбориши мумкинлигини, чунки баъзиларга АҚШга кириш тақиқланиши, бошқалар эса мамлакатни тарк этгач, қайтиб кела олмаслигини таъкидлади.
Изоҳ (0)