Yaxshilik yerda qolmaydi: poyezdga kechga qolgan sevishganlarni sovuqdan qutqargan uysiz erkak ishli bo‘ldi

Londonda yosh yigit va qizni sovuqdan qutqarib qolgan uysiz erkak ularning yordami bilan ishga joylashdi, deb xabar beradi AdMe.

22 yoshli Sharlott Ellis va Teylor Uoldon kechqurungi oxirgi poyezdga ulgura olmadi  va sovuqda keying poyezdni to‘rt soat kutib turishga majbur bo‘ladi. Bu orada ularning yoniga Joui ismli uysiz erkak kelib, ularga o‘z paltosi va yopinchig‘ini taklif etadi. Yoshlar bundan xursand bo‘lib uning yordamini qabul qiladi va  bunga javoban Jouini uylariga taklif qiladi.

Joui ular hazillashyapti, deb o‘yladi, biroq Sharlott Jouisiz uyga ketishga rozi bo‘lmadi. Bu voqea orqali ular yaqin do‘stga aylandi. Sharlott Ellis bo‘lib o‘tgan voqeani o‘zining Facebook’dagi profilida ulashdi.

Sevishgan juftlik Jouining yordami uchun unga telefon va yangi kiyimlar sovg‘a qildi. Voqeadan 5 kun o‘tib esa, Sharlott va Teylor Jouiga ish ham topib berdi.

5 kun  avval uysiz, och-nahor ko‘chalarda tentirab yurgan Joui o‘z vaqtida ko‘rsatgan yordami uchun taqdirlandi. U endi bog‘bon sifatida ish boshladi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.