Яхшилик ерда қолмайди: поездга кечга қолган севишганларни совуқдан қутқарган уйсиз эркак ишли бўлди

Лондонда ёш йигит ва қизни совуқдан қутқариб қолган уйсиз эркак уларнинг ёрдами билан ишга жойлашди, деб хабар беради AdMe.

22 ёшли Шарлотт Эллис ва Тейлор Уолдон кечқурунги охирги поездга улгура олмади  ва совуқда кейинг поездни тўрт соат кутиб туришга мажбур бўлади. Бу орада уларнинг ёнига Жоуи исмли уйсиз эркак келиб, уларга ўз пальтоси ва ёпинчиғини таклиф этади. Ёшлар бундан хурсанд бўлиб унинг ёрдамини қабул қилади ва  бунга жавобан Жоуини уйларига таклиф қилади.

Жоуи улар ҳазиллашяпти, деб ўйлади, бироқ Шарлотт Жоуисиз уйга кетишга рози бўлмади. Бу воқеа орқали улар яқин дўстга айланди. Шарлотт Эллис бўлиб ўтган воқеани ўзининг Facebook’даги профилида улашди.

Севишган жуфтлик Жоуининг ёрдами учун унга телефон ва янги кийимлар совға қилди. Воқеадан 5 кун ўтиб эса, Шарлотт ва Тейлор Жоуига иш ҳам топиб берди.

5 кун  аввал уйсиз, оч-наҳор кўчаларда тентираб юрган Жоуи ўз вақтида кўрсатган ёрдами учун тақдирланди. У энди боғбон сифатида иш бошлади.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.