O‘zbekiston Prezidenti Shavkat Mirziyoyev 27—28-yanvar kunlari Xorazm viloyatida bo‘ldi, deya xabar bermoqda O‘zA.
Shavkat Mirziyoyev xorazmliklar bilan saylovoldi uchrashuvida 2017-yilda O‘zbekiston xalq artisti Komiljon Otaniyozov tavalludining 100 yilligini keng nishonlash, mashhur hofiz nomi bilan ataladigan zamonaviy ijod markazi va uning tarkibida go‘zal bog‘ tashkil etishni taklif qilgan edi.
O‘zbekiston Prezidenti mazkur ijod markazi qurilish uchastkasini borib ko‘rdi. Bu yerda Komiljon Otaniyozov haykalini barpo etish, iste’dodli yoshlarning adabiyot va san’at, kino, fotografiya sirlarini o‘rganishini yo‘lga qo‘yish bo‘yicha ko‘rsatmalar berildi.
Urganch shahridagi 11-bolalar musiqa va san’at maktabida mehnat faxriylari, san’at va adabiyot namoyandalari bilan muloqot bo‘lib o‘tdi. Unda mamlakatimizni har tomonlama rivojlantirish, odamlarning dunyoqarashi va ma’naviyatini yuksaltirish, aholi turmush darajasini yanada oshirish haqida so‘z bordi.
Uchrashuv qatnashchilari madaniyat va san’atni rivojlantirishga qaratayotgan e’tibori uchun davlatimiz rahbariga minnatdorlik bildirdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)