Toshkent davlat iqtisodiyot universitetining joriy o‘quv yili bitiruvchilari uchun tashkil etilgan an’anaviy “Karyera kuni” axborot tanishtiruv tadbirida 200 dan ortiq tashkilot, jumladan, Iqtisodiyot va Moliya vazirliklari, Markaziy va tijorat banklari, Savdo-sanoat palatasi, qator yirik korxona va tashkilotlar, muassasalar, firmalar mingdan oshiq bo‘sh ish o‘rnini taklif etdi. Bu haqda “Daryo”ga oliy o‘quv yurti mutasaddilari ma’lum qildi.
Tadbir doirasida bo‘sh ish o‘rinlari bo‘yicha o‘z takliflari bilan ishtirok etayotgan muassasa va tashkilotlarga bitiruvchi talabalar to‘g‘risida ma’lumotlar berildi. Zamonaviy usulda bilim va malaka taqdimotlari uyushtirildi hamda ular bilan taklif etilgan vazirliklar, idora va tashkilotlar vakillari o‘rtasida muloqotlar olib borildi.
“Karyera kuni” yakunida ishga joylashtirish bo‘yicha universitet bilan shartnomalar imzolandi va 484 nafar bitiruvchi o‘zi egallagan mutaxassisligiga mos ish o‘rinlariga ega bo‘ldi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)