Braziliyadagi qamoqxonadan 56 mahbus qochib ketdi

Braziliyaning Riu-Grandi-du-Norti shtatidagi bir necha kun avvalgi isyon chog‘ida 26 mahbus halok bo‘lgan qamoqxonadan kamida 56 kishi qochib ketdi, deb xabar beradi “Kommersant”.

Rasmiylarning so‘zlariga ko‘ra, qochib ketgan mahbuslar soni bundan ham ko‘p bo‘lishi mumkin.

Mamlakatda bir necha haftadan beri “Alkakuz” qamoqxonasi mahbuslari g‘alayoni davom etmoqda. Avvaliga mahbuslarning bir guruhi ikkinchisiga hujum uyushtirdi, keyinchalik ular odamlar bilan to‘lib-toshgan koloniyani me’yorga keltirish talabi bilan chiqdi. Politsiyachilar bir necha kun qamoqxona ichiga kira olmadi, isyon hozirgacha bostirilmagan.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.