CNN: Tramp davlat departamentining yuqori mansabli xodimlarini ishdan bo‘shatdi

AQSh davlat departamentini tark etgan diplomatlar Donald Tramp siyosatidan norozi bo‘lgani uchun emas, balki yangi prezident ma’muriyati iltimosiga ko‘ra ketgan. Bu haqda CNN Oq uydagi manbasiga tayanib xabar berdi, deb yozadi “RIA Novosti”.

“Ular davlat kotibiga, prezidentga va davlat departamentiga sodiq. Prezidentga hurmatsizlik ko‘rsatishga hech qanday urinishlar bo‘lgani yo‘q, ular nafrat sababli ishdan bo‘shagani va qochayotgani yo‘q. Oq uyning o‘zi tartibga solish ishlarini olib bormoqda”, — dedi telekanal manbasi.

Avvalroq OAVlar davlat departamentining qator xodimlari Donald Trampning tashqi siyosiy yo‘nalishidan norozi bo‘lib, iste’foga chiqqanini ma’lum qilgan edi.

CNN ma’lumotlariga ko‘ra, aslida esa Oq uy diplomatlarga yozma shaklda murojaat qilib, ularning xizmatlariga boshqa ehtiyoj sezmasligini bildirgan.