CNN Tramp va Putinning telefon orqali muloqoti qachon bo‘lib o‘tishini ma’lum qildi

Amerikaning CNN telekanali Rossiya va AQSh prezidentlari Vladimir Putin va Donald Trampning telefon suhbati 28-yanvar, shanba kuni bo‘lib o‘tishini ma’lum qildi, deb yozadi “TASS”.

CNN ta’kidlashicha, ushbu ma’lumotni uning ma’muriyatdagi manbasi tasdiqlagan. Oq uy hozircha ushbu xabarga izoh bergani yo‘q.

Rossiya yetakchisining matbuot kotibi Dmitriy Peskov 26-yanvar kuni Rossiya va AQSh vakillari haligacha ikki mamlakat prezidentlarini telefon orqali suhbatlashadigan sana haqida kelishib olmaganini aytgan edi.

Avvalroq matbuot kotibi Putin va Trampning telefon suhbati Amerika yangi yetakchisining inauguratsiyasidan keyin bo‘lib o‘tishi mumkinligini qayd etgan edi.