Dubaydagi restoran ishsizlarga bepul tushliklarni taklif qilmoqda

Dubay amirligining ish qidirayotgan va o‘ziga yegulik sotib olishga qodir bo‘lmagan fuqarolari Nom Nom Asia Restaurant restoranida bepul ovqatlanishi mumkin, deb yozadi UAE Inside.

Haftaning istalgan kunida Dubayning har bir fuqarosi tovuq, mol go‘shti yoki krevetkadan iborat asosiy taom, guruch yoki lag‘mon va suvdan iborat tushlikni olishi mumkin.

Tushlik mutlaqo bepul, ammo ko‘pincha Dubay fuqarolari imkoniyati paydo bo‘lganida pulini qaytaradi.

Al Barsha va Karama tumanlaridagi restoranlar qariyb bir yildan buyon ishsizlarni bepul tushlik bilan ta’minlamoqda. Muassasalar egalari Dubaydagi mehnat bozori berahm ekanligini hisobga olib, odamlarga yordam berish uchun harakat qilayotganini aytdi.