O‘zbekiston Respublikasi Tabiatni muhofaza qilish davlat qo‘mitasi Yagona interaktiv davlat xizmatlari portalida yuridik va jismoniy shaxslar uchun “Suvga quduqlarni burg‘ulash uchun ruxsatnoma” xizmatini ishga tushirdi.
Vazirlar Mahkamasining 2014-yil 4-avgustdagi “Suvga quduqlarni burg‘ulash uchun ruxsatnoma berish tartibi to‘g‘risidagi nizomni tasdiqlash haqida” 214-son qaroriga ko‘ra, foydalanuvchi kerakli hujjatlarni ilova qilgan holda ariza shaklini to‘ldirishi lozim. Xizmat bepul ko‘rsatiladi.
Suvga quduqlarni burg‘ulash uchun ruxsatnoma foydalanuvchidan hujjatlar qabul qilingan kundan boshlab 15 ish kuni mobaynida taqdim etiladi.
Xizmatning natijasi esa arizachiga suvga quduqlarni burg‘ulash uchun ruxsatnoma berish yoki asoslangan tarzda rad javobi yuborish hisoblanadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)