Islom Karimovning tavallud kuniga tayyorgarlik, Toshkentdagi ko‘prik qurilishi sabab vaqtincha to‘xtatiladigan suv ta’minoti, yarmi hamon internetdan foydalanmaydigan Yer aholisi va kunning boshqa muhim xabarlari

25-yanvarning e’tiborga molik yangiliklari — “Daryo”ning kechki dayjestida.

1. Islom Karimov haykalini yaratish bo‘yicha xalqaro ijodiy tanlov nizomi e’lon qilindi. O‘zbekistonning barcha hududlarida esa Islom Karimov tavallud topgan kunni nishonlashga tayyorgarlik ko‘rilmoqda.

2. Bahodir G‘aniyev Prezident Devoni yoshlar siyosati masalalari sektori rahbari etib tayinlandi. Bahodir G‘aniyev “Kamolot” YIH Markaziy Kengashi raisi lavozimida 2010-yildan buyon faoliyat yuritib kelayotgan edi.

3. Toshkentning ba’zi tumanlarida ichimlik suvi ta’minoti vaqtincha to‘xtatiladi. Bunga sabab — Bog‘ishamol va Yangishahar ko‘chalari oralig‘ida yangi avtoyo‘l hamda Bo‘zsuv kanali bilan kesishgan joyda ko‘prik qurilishidir.

4. Toshkentda avval yopilgan ko‘cha va chorrahalarning ochilishi davom etmoqda: Toshkentning O‘zbekiston shoh ko‘chasidagi yana bir chorraha qaytadan ochildi.

5. Yer aholisining yarmidan ko‘pi hamon internetdan foydalanmaydi. 2017-yil boshiga kelib Yer aholisining (3,9 milliard kishi) 51 foizi internetdan foydalanmaydi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.