Ислом Каримовнинг таваллуд кунига тайёргарлик, Тошкентдаги кўприк қурилиши сабаб вақтинча тўхтатиладиган сув таъминоти, ярми ҳамон интернетдан фойдаланмайдиган Ер аҳолиси ва куннинг бошқа муҳим хабарлари

25 январнинг эътиборга молик янгиликлари — «Дарё»нинг кечки дайжестида.

1. Ислом Каримов ҳайкалини яратиш бўйича халқаро ижодий танлов низоми эълон қилинди. Ўзбекистоннинг барча ҳудудларида эса Ислом Каримов таваллуд топган кунни нишонлашга тайёргарлик кўрилмоқда.

2. Баҳодир Ғаниев Президент Девони ёшлар сиёсати масалалари сектори раҳбари этиб тайинланди. Баҳодир Ғаниев «Камолот» ЙИҲ Марказий Кенгаши раиси лавозимида 2010 йилдан буён фаолият юритиб келаётган эди.

3. Тошкентнинг баъзи туманларида ичимлик суви таъминоти вақтинча тўхтатилади. Бунга сабаб — Боғишамол ва Янгишаҳар кўчалари оралиғида янги автойўл ҳамда Бўзсув канали билан кесишган жойда кўприк қурилишидир.

4. Тошкентда аввал ёпилган кўча ва чорраҳаларнинг очилиши давом этмоқда: Тошкентнинг Ўзбекистон шоҳ кўчасидаги яна бир чорраҳа қайтадан очилди.

5. Ер аҳолисининг ярмидан кўпи ҳамон интернетдан фойдаланмайди. 2017 йил бошига келиб Ер аҳолисининг (3,9 миллиард киши) 51 фоизи интернетдан фойдаланмайди.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.