O‘zbekiston Prezidenti Shavkat Mirziyoyev Toshkentdagi Bobur nomli istirohat bog‘ining nomini Do‘stlik bog‘i deb o‘zgartirishni taklif qildi. Bu haqda “Novosti Uzbekistana” xabar bermoqda.
Shavkat Mirziyoyev 24-yanvar, seshanba kuni Respublika Baynalmilal madaniyat markazining 25 yilligi munosabati bilan milliy madaniy markazlarning faollari bilan uchrashgan.
Sizlar o‘z tadbirlaringizni odatda Bobur nomli bog‘da o‘tkazasiz. Shu sababli, o‘ylashimcha, uni Do‘stlik bog‘i deb qayta nomlasak, adolatdan bo‘ladi. Siz bunga munosibsiz!“Novosti Uzbekistana”ning yozishicha, O‘zbekiston Prezidenti tomonidan bildirilgan ushbu taklif yig‘ilganlar tomonidan gulduros qarsaklar bilan qarshi olingan.Shavkat Mirziyoyev, O‘zbekiston Prezidenti
Shavkat Mirziyoyevning so‘zlariga ko‘ra, Toshkentning Mirzo Ulug‘bek tumanida, eski hayvonot bog‘ining o‘rnida qurilayotgan yangi istirohat bog‘iga Zahiriddin Muhammad Bobur nomi beriladi.
Avvalroq Shavkat Mirziyoyev Respublika baynalmilal madaniyat markaziga yangi bino sovg‘a qilgani, shuningdek, milliy madaniy markazlarning bir guruh faollarini mukofotlash to‘g‘risidagi farmonni imzolagani haqida xabarlar berilgan edi.Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)