Bugun,

  • USD 11095.31
  • RUB 173.84
  • EUR 10772.44

Hayvonlarga nisbatan shafqatsiz munosabatda bo‘lganligi uchun toshkentlik 49 yoshli fuqaro jarimaga tortildi. Sud ishi yakunlari haqida “Mehr va Oqibat” jonivorlarni himoya qilish jamiyatidagi manbaga asoslanib, “Gazeta.uz” xabar berdi.

Foto‘ “Gazeta.uz”

Foto‘ “Gazeta.uz”

Da’vogarlar Yunusobod tumani 4-dahasida yashovchi ayollar bo‘lib, ular bir nechta mushuklarning yo‘qolganini payqagan. Yo‘qolgan mushuklarning ba’zilari mayib yoki o‘lik holda topilgan. Ayollar mushuklarni qiynoqqa solishda yaqin orada yashovchi erkakdan shubhalangan.

O‘tgan yilning dekabr oyida da’vogarlar hayvonlar muhofazachisi bo‘lgan “Mehr va Oqibat” jamiyatiga aybdorni javobgarlikka tortishda yordam berishni so‘rab murojaat qilgan. Jamiyat vakillari ichki ishlar organlariga ariza yozishda yordam berdi va sud majlisi jarayonida da’vogarlarga huquqiy yordam ko‘rsatdi.

Jinoyat ishlari bo‘yicha Yunusobod tuman sudining qaroriga asosan, javobgar haqiqatan ham mushuklarni qiynoqqa solgan, natijada bu qiynoqlar to‘rtta mushukning nobud bo‘lishi va bitta mushukning mayib bo‘lishiga sabab bo‘lgan. Tergov yakuniga ko‘ra, O‘zbekiston Respublikasi Ma’muriy javobgarlik to‘g‘risidagi Kodeksining 111-moddasiga muvofiq ayblov hukmi chiqarildi. Hayvonlarga nisbatan shafqatsiz munosabatda bo‘lganligi uchun aybdorga nisbatan eng kam oylik ish haqining uch baravari – 449,3 ming so‘m miqdorida jarima jazosi belgilangan.

Jarima miqdori, ba’zi MDH davlatlaridagi kabi, bundan ham yuqori bo‘lsa, yaxshi bo‘lardi. Biz shu yo‘nalishda ishlayapmiz va ishonamizki, yaqin vaqtlar ichida hayvonlar muhofazasi bo‘yicha qonunchilikka o‘zgartirishlar kiritiladi. Fuqarolarni talabchanlikka chaqiramiz: qonun ishlamoqda – sizning fuqarolik tashabbusingiz va adolatga qonunga muvofiq ravishda erishish xohishingiz muhim ahamiyatga ega.

Kamila Shoalimova, “Mehr va Oqibat” jamiyati direktori 

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.

Izoh
Asosiy yangiliklar
Sport
Bundesliga. “Bavariya” safarda g‘alaba qozondi va Germaniya chempioniga aylandi, “Borussiya D” o‘z maydonida “Mayns”ni yenga olmadi 
Dunyo
Yuk mashinasidan chiqqan natsistlar bayrog‘i, Buddaning tug‘ilgan kuniga atalgan ajdaho, model bo‘lgan chixuaxua — hafta suratlari
Mahalliy
Qamchiq dovonida tormozi ishlamay qolgan yuk mashinasi YTH sodir qildi