Namangan shahar hokimligining katta majlislar zalida O‘zbekiston Respublikasi Bosh prokurori I. Abdullayev, Ichki ishlar vaziri A. Azizov hamda Davlat soliq qo‘mitasi raisi B. Parpiyev ishtirokida ochiq muloqot bo‘lib o‘tdi. Bu haqda viloyat hokimligi axborot xizmati xabar bermoqda.
Muloqotda Namangan shahar va tumanlar hokimlari, prokurorlari, sud, nazorat-tekshiruv organlari, banklar rahbarlari, 150 dan ortiq tadbirkorlik subyektlari, kichik biznes vakillari va tadbikorlik faoliyatini yo‘lga qo‘ymoqchi bo‘lgan fuqarolar ishtirok etdi.
Ochiq muloqot davomida viloyatdagi tadbirkorlik subyektlari faoliyatida yuzaga kelayotgan muammolar atroflicha muhokama qilindi. Tadbirkorlar tomonidan berilgan savollar yuzasidan batafsil tushuntirish berildi, muammolarni hal qilish yuzasidan tegishli boshqarma va tashkilotlarga aniq vazifalar belgilab berildi.
Yig‘ilish yakunida viloyat tadbirkorlari mahsulotlari ko‘rgazmasi tashkil etildi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)