Жорий йилнинг 19 январь куни Ўзбекистон Республикаси Иқтисодиёт вазирлигида Жаҳон банкининг Европа ва Марказий Осиё давлатлари бўйича вице-президенти Сирил Мюллер бошчилигидаги делегация билан учрашув бўлиб ўтди. Бу ҳақда Иқтисодиёт вазирлиги ахборот хизмати хабар берди.
Учрашувда иккала тараф ҳам Ўзбекистон Республикасининг Жаҳон банки билан ҳамкорлиги тобора кучайиб бораётганлигини қайд этди. Шунингдек, электр-энергетика, ирригация ва коммунал тармоқларни модернизация қилиш, сув таъминоти, ишлаб чиқариш, транспорт ва ижтимоий инфратузилмани ривожлантириш йўналишларидаги истиқболли инвестицион лойиҳаларни амалга оширишни кенгайтириш масалаларини муҳокама қилди.
Ўтган йили қабул қилинган 2020 йилгача ҳамкорлик қўшма дастурига 27 муҳим лойиҳа киритилган, унинг умумий қиймати 4 миллиард доллардан иборат, шундан 3 миллиард доллари Жаҳон банки кредитларидир.
Изоҳ (0)