Verona ostonasidagi avtobus ishtirokidagi avariya oqibatida kamida 16 kishi halok bo‘ldi. Yana 39 kishi turli darajada tan jarohati olgan. Meduza’ning yozishicha, vengriyalik o‘quvchilarni olib ketayotgan avtobus to‘siqqa urilib, yonib ketgan.
Mahalliy politsiya axborotiga ko‘ra, hodisa 21-yanvarga o‘tar kechasi yuz bergan. Avtobus noma’lum sabablarga yo‘ldan chiqib ketgan.
O‘quvchilar Fransiyada o‘tgan ta’tildan Vengriyaga qaytayotgan edi. Vengriya Tashqi ishlar vazirligidan ma’lum qilishlaricha, avtobusda 54 yo‘lovchi, jumladan, kuzatuvchilar va ikki haydovchi bo‘lgan.
Biroq, “ma’lum qilinmagan sabablarga ko‘ra”, avtobusdagi yo‘lovchilar soni aytilganidan ko‘proq bo‘lishi ham mumkin. Avtobusda bo‘lgan bolalarning yoshi 15—17 oralig‘ida bo‘lgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)