Turkiya Suriyadagi nizolarni Asad ishtirokisiz hal etishni talab qilib turib olmoqchi emas. Bu haqda Davosdagi iqtisodiy forum majlisida Turkiya bosh vaziri o‘rinbosari Mehmet Shimshek ma’lum qildi, deb yozadi “RBK”.
“Biz Suriya xalqi fojiasi va azob-uqubatlari yuzasidan gunoh Asadning bo‘ynida deb hisoblaymiz. Ammo biz pragmatik, realistik bo‘lishimiz kerak”, — dedi Shimshek Suriya va Iroq muammolariga bag‘ishlangan majlisda.
Uning so‘zlariga ko‘ra, Suriyada “yerda” faktlar tubdan o‘zgargan. “Turkiya endi Asadsiz tartibga solishni talab qilib turib ololmaydi”, — dedi u.
Shimshek Turkiya kelasi hafta Ostonada bo‘lib o‘tishi rejalashtirilgan Suriyadagi tinchlik muzokaralariga “katta umid” bog‘lashini qo‘shimcha qildi.
Suriya bo‘yicha tinchlik muzokaralari Ostonada 23-yanvarda bo‘lib o‘tishi rejalashtirilgan. Muzokaralarda Suriya muxolifatining ko‘pchilik guruhlari va Suriya hukumati vakillari ishtirok etadi.
Izoh (0)