Janubiy Koreyada prezidentni tanqid qilgan madaniyat arboblarining “qora ro‘yxati”ni tuzgan vazir hibsga olindi

Janubiy Koreya madaniyat, sport va turizm vaziri Cho Yun Sun, unga nisbatan xizmat mansabini suiiste’mol qilish holati bo‘yicha jinoyat ishi qo‘zg‘atilganidan so‘ng, hibsga olindi. TJournal xabariga ko‘ra, vazir iste’fo bergan.

OAV axborotiga ko‘ra, vazir mamlakat prezidenti Pak Kin Xega nisbatan tanqidiy munosabatda bo‘lgan madaniyat arboblarining “qora ro‘yxati”ni tuzib, ularga davlat tomonidan qasddan moddiy yordam ko‘rsatmaganlikda ayblanmoqda.

Tergov jarayonida vazir o‘z xizmat mansabini suiiste’mol qilish va qasddan yolg‘on ko‘rsatmalar berishda ayblangan.

Pak Kin Xening o‘zi yaqin dugonasi Soy Sun Sil tomonidan tuzilgan korrupsiya firibgarliklariga aloqadorlikda gumon qilinmoqda. Soy Sun Sil ayni vaqtda tergov qilinmoqda.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.