Yaponiya hukumati oyiga bir marta ish joylarida “premial juma” kunlarini o‘tkazishni taklif etmoqda. O‘sha kuni rahbarlar xodimlarni uyga eng kamida soat 15:00 da qo‘yib yuborishi lozim, deb xabar beradi “Sekret firmi” resursi.
Yaponiyada xodimlarning me’yoridan ko‘p ishlashi an’ana tusiga kirgan bo‘lib, buning oqibatida ko‘plab ishchilar holdan toyib qoladi. 2015-yilda ishdan charchash tufayli vafot etish holatlari bilan bog‘liq 1456 shikoyatlar sudlarga kiritildi. O‘sha yili Dentsu reklama agentligi xodimi Matsuri Takaxasi ortiqcha mehnatga bardosh qila olmay, o‘z joniga qasd qildi. Bu voqea keng muhokamalarga sabab bo‘ldi. Mehnat inspeksiyasi Takaxasini karosi — ortiqcha mehnatdan holdan toyish qurboni deb topdi.
Yaponiyada har yili 200 dan ortiq odam ish jarayonida holdan toyish oqibatida olamdan o‘tadi.
Izoh (0)