Vashingtonda 20-yanvar, juma kuni AQShning 45-saylangan prezidenti Donald Trampning inauguratsiyasi bo‘lib o‘tadi. Marosim mahalliy vaqt bilan 12:00 da (Toshkent vaqti bilan 22:00 da) Kapitoliy binosi oldida boshlanadi.
“Kommersant”ning yozishicha, marosimda Amerikaning yangi yetakchisi oila a’zolari, shuningdek, AQShning lavozimini tark etayotgan prezidenti Barak Obama va Trampning saylovdagi asosiy raqibi — Hillari Klinton ham qatnashadi.
Amerikaning yangi yetakchisi kunni avliyo Ioann cherkovidagi ibodatdan boshlaydi — bu vazifasini bajarishga kirishayotgan har bir AQSh prezidenti uchun odatga aylangan an’anadir.
Shundan so‘ng Donald Tramp va uning vitse-prezidenti Mayk Pens Oq uyga yo‘l olib, choyxo‘rlik qiladi, keyin Obama bilan birga inauguratsiya marosimiga yo‘l oladi.
Saylangan prezidentni AQSh Oliy sudining bosh sudyasi Jon Roberts qasamyodga olib keladi. Lavozimga kirishganidan so‘ng, Donald Tramp inauguratsiya nutqi bilan chiqish qiladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)