AQSh Davlat kotibi Jon Kerri “Pxenyan va Vashington o‘rtasidagi munosabatlar eng quyi darajaga tushib qolishi”ga sababchi bo‘ldi. Bu haqda KXDR tashqi ishlar vazirligi vakili ma’lum qildi. Kerri Davos iqtisodiy forumida Shimoliy Koreyaga nisbatan salbiy fikrlar bildirgandi, deb xabar beradi “TASS”.
KXDR tashqi ishlar vazirligi Kerri “AQShning THAAD raketa komplekslari Janubiy Koreyada joylashtirilishi Shimoliy Koreya yadro quroli va uning beqaror, o‘zini tiyib turolmaydigan yetakchisiga qarshi turishga imkon berishi” haqidagi gaplari bilan “xalq respublikasining oliy rahbariyati sha’nini tahqirlagan” hisoblamoqda.
Shimoliy Koreya tashqi siyosiy mahkamasi bu so‘zlarni “Sharqda yadro davlatiga aylanishning uddasidan chiqqan xalq respublikasi muvaffaqiyatlaridan tushkunlikka tushgan omadsiz shaxsning safsatasi”, deb baholadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)