АҚШ Марказий разведка бошқармаси 1982 йилдан бери ўзгармай келаётган Америка фуқаролари ҳақида маълумотларни йиғиш, қайта ишлаш ва сақлаш ҳақидаги ички қоидаларга ўзгаришлар киритганини маълум қилди. Бу ҳақда «ТАСС» хабар бермоқда.
Бошқармага аслини олганда ҳамюртлари ҳақида мамлакат ичида маълумот тўплаш ман этилган. Шундай бўлса-да, АҚШ президентининг 1981 йилдаги фармони мазкур қоидадан маълум бир истисноларга йўл қўяди.
Янги қоидаларда америкаликларга тааллуқли, бироқ ўрганилмаган айрим маълумотларни сақлаш муддатини 5 йил билан чеклайди. Шунингдек, хорижда амалга оширилаётган бизнес операциялари ҳисоби каби маълумотларни сақлаш муддатига 25 йиллик чеклов белгиланди.
Қолаверса, МРБнинг қайси ходимлари АҚШ фуқаролари ҳақидаги маълумотлар билан танишиши мумкинлиги белгилаб қўйилди. Бундай маълумотлардан фойдаланиш устидан назорат тизими жорий этилди ва ора-сира бу борада текширувлар ўтказиб туришга қарор қилинди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)