O‘zbekiston tennisining eng oldi sportchisi Denis Istomin Avstraliya ochiq chempionatining ikkinchi bosqichida dunyoning ikkinchi raqamli raketkasi hisoblangan Novak Jokovichni mag‘lub etdi va serbiyalik raqibiga chiqish eshiklarini ko‘rsatib qo‘ydi.
Bunga qadar har ikki sportchi besh bor to‘qnash kelgan bo‘lib, ularning barchasida Jokovichning qo‘li baland kelgan, Istomin esa faqatgina bir dona setni o‘z foydasiga hal qilgandi. 2017-yilgi mavsum ibtidosi esa o‘zbekistonlik raketka ustasi uchun omadli keldi.
4 soat-u 50 daqiqa davom etgan kurashdan keyin dunyo ahli Jokovichning mag‘lubiyatiga guvoh bo‘ldi. Quyida o‘sha bellashuv fotolavhalari Getty Images talqinida taqdim etildi.
Izoh (0)