O‘zbekiston milliy termasiga nomzod bo‘lgan yetti nafar futbolchi jamoaning JCh—2018 yo‘lidagi 3 ta raqibiga qarashli klublar tomonidan qo‘lga kiritildi: Odil Ahmedov, Server Jeparov, Sardor Rashidov, Anzur Ismoilov, Yegor Krimets, Sanjar Tursunov va Temurxo‘ja Abduxoliqov.
JCh—2018 saralashida O‘zbekiston terma jamoasi 9 ochko bilan o‘z guruhida 3-o‘rinni egallab turibdi. Unda peshqadamlik qilayotgan Eronning “Istiqlol” klubi Server Jeparovni o‘z safiga qo‘shib oldi. O‘zaro o‘yinlarda O‘zbekiston terma jamoasiga imkoniyatni boy bergan Qatar va Xitoy klublarida esa uch nafardan o‘zbekistonlik futbolchi to‘p suradi.Server Jeparov — “Istiqlol” (Eron)
Odil Ahmedov — “Shanxay SIPG” (Xitoy)
Anzur Ismoilov — “Chanchun Yatai” (Xitoy)
Yegor Krimets — “Beytszing Goan” (Xitoy)
Sardor Rashidov — “Al-Jaish” (Qatar)
Temurxo‘ja Abduxoliqov — “As-Sayliya” (Qatar)
Sanjar Tursunov — “Al-Haraytiyat” (Qatar)
Xitoy Super ligasida legioner futbolchilar soniga bo‘lgan cheklov yanada kuchaytirilgani, chempionatda to‘p surayotgan osiyolik futbolchilarga ta’sir o‘tkazishi mumkin ekani xabar qilingandi. Davom etayotgan Qatar Yulduzlar ligasida esa Sardor Rashidov va Sanjar Tursunov jamoasining asosiy futbolchilari hisoblanadi.
Biroq Samvel Babayan Sanjar Tursunovga e’tibor qaratadimi yoki yo‘q — aniq emas. Uzoq tanaffusdan keyin terma yig‘iniga jalb qilingan Temurxo‘ja Abduxoliqovning esa Babayan qo‘l ostida mashg‘ulot o‘tkazishi yana uzoqroqqa cho‘ziladigan bo‘ldi. Boisi u endigina Qatarga yetib bordi.
Izoh (0)