O‘zbekiston xalq artisti Ozodbek Nazarbekov 2017-yilda konsert bermasligini ma’lum qilganidan so‘ng bu holat ijtimoiy tarmoqlarda, xonandaning muxlislari o‘rtasida keng muhokama qilindi. Har kim bu holni turlicha baholadi.
“Yulduz Usmonova o‘z konsert kunlarini qaytarib olish maqsadida Ozodbek Nazarbekovga aprel oyida konsert berishiga to‘sqinlik qildi” qabilidagi mish-mishlar tarqaldi. Mana shu kabi mish-mishlar qay darajada rost yoki yolg‘onligiga Ozodbek Nazarbekov jurnalist Jasur Hamroyev bilan suhbatda to‘xtalib o‘tdi, deb yozadi “Darakchi.uz”.
Bu yil konsert berish-bermaslik g‘oyasi o‘tgan yili aprel oyi konsert paytida paydo bo‘lgan edi. Lekin ikkilanishlar ham bor edi. Odamlarga nima deymiz? Sabablarini qanday izohlaymiz, deb turganimizda, men juda ham hurmat qilgan, ustozim deb biladigan insonim Yulduz Usmonovaga konsert berish imkoni berildi. Shunda men konsertim uchun belgilangan kunlarni Yulduz opaga o‘zim taklif qildim. “Mana shu sanalarda bemalol konsert berishingiz mumkin”, dedim, chunki bu kunlar mening konsertim uchun bron qilingan edi.Ozodbek Yulduz Usmonova bilan munosabatlari hech qachon sovuqlashmaganini aytib o‘tdi.Ozodbek Nazarbekov, O‘zbekiston xalq artisti
Ular bilan hech qachon ziddiyatli munosabatda bo‘lmaganmiz. Men ularni judayam hurmat qilganman. Bundan keyin ham hurmat qilaman. Aprel oyida Yulduz Usmonovaning konsert berishi meni o‘zim konsert berishimdan ko‘proq quvontiradi.“Yulduz Usmonovaning konsertida mehmon bo‘lasizmi?” degan savolga Ozodbek Nazarbekov “albatta” deya javob berdi.Ozodbek Nazarbekov, O‘zbekiston xalq artisti
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)