Ўзбекистон халқ артисти Озодбек Назарбеков 2017 йилда концерт бермаслигини маълум қилганидан сўнг бу ҳолат ижтимоий тармоқларда, хонанданинг мухлислари ўртасида кенг муҳокама қилинди. Ҳар ким бу ҳолни турлича баҳолади.
«Юлдуз Усмонова ўз концерт кунларини қайтариб олиш мақсадида Озодбек Назарбековга апрель ойида концерт беришига тўсқинлик қилди» қабилидаги миш-мишлар тарқалди. Мана шу каби миш-мишлар қай даражада рост ёки ёлғонлигига Озодбек Назарбеков журналист Жасур Ҳамроев билан суҳбатда тўхталиб ўтди, деб ёзади «Darakchi.uz».
Бу йил концерт бериш-бермаслик ғояси ўтган йили апрель ойи концерт пайтида пайдо бўлган эди. Лекин иккиланишлар ҳам бор эди. Одамларга нима деймиз? Сабабларини қандай изоҳлаймиз, деб турганимизда, мен жуда ҳам ҳурмат қилган, устозим деб биладиган инсоним Юлдуз Усмоновага концерт бериш имкони берилди. Шунда мен концертим учун белгиланган кунларни Юлдуз опага ўзим таклиф қилдим. «Мана шу саналарда бемалол концерт беришингиз мумкин», дедим, чунки бу кунлар менинг концертим учун бронь қилинган эди.Озодбек Юлдуз Усмонова билан муносабатлари ҳеч қачон совуқлашмаганини айтиб ўтди.Озодбек Назарбеков, Ўзбекистон халқ артисти
Улар билан ҳеч қачон зиддиятли муносабатда бўлмаганмиз. Мен уларни жудаям ҳурмат қилганман. Бундан кейин ҳам ҳурмат қиламан. Апрель ойида Юлдуз Усмонованинг концерт бериши мени ўзим концерт беришимдан кўпроқ қувонтиради.«Юлдуз Усмонованинг концертида меҳмон бўласизми?» деган саволга Озодбек Назарбеков «албатта» дея жавоб берди.Озодбек Назарбеков, Ўзбекистон халқ артисти
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)