Xonanda Rayhon Toshkentdagi 35 ming tomoshabinni o‘z bag‘riga sig‘dira oladigan “Bunyodkor” stadionida konsert berish rejasi avvaldan bor ekanini ma’lum qildi. Bu haqda u “Sayyod.com”ga bergan intervyusida aytib o‘tdi.
“Sayyod.com” sayti muallifi “Istiqlol” san’at saroyida bir necha kun konsert bergandan ko‘ra, “Bunyodkor” stadionida, 30 ming muxlis qarshisida bir kun konsert bergan ma’qul emasmi, degan savol bilan Rayhonga murojaat qilgan.
Biz bu haqda o‘ylaganmiz. Lekin keyin bunga ruxsat berishmasa kerak, degan fikrga keldik. Birinchidan, odam juda ko‘p bo‘ladi. Ikkinchidan, stadiondagi barcha maysali joyni maxsus qoplama bilan yopib chiqish kerak.Xonanda bir kun kelib O‘zbekistondagi eng katta stadionda konsert berishdan umidvor ekanligini qayd etib o‘tdi.Rayhon, O‘zbekisonda xizmat ko‘rsatgan artist
“Bunyodkor” stadionida konsert berishni juda xohlagan bo‘lardim. U yerda qanday chiqish qilishimni hozirdanoq tasavvur qilyapman.Ma’lumot uchun, xonanda Rayhonning 2017-yilgi konserti 20—24-fevral kunlari Toshkentdagi “Istiqlol” san’at saroyida bo‘lib o‘tadi. Avvalroq xonanda o‘z konserti uchun ba’zi shaxslar tomonidan qalbaki taklifnomalar sotuvga chiqarilgani haqida ogohlantirgan edi.Rayhon, O‘zbekisonda xizmat ko‘rsatgan artist
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)