Jizzax viloyatida Yuriy Ten, Anvarboy Ikromov, Muhabbat Qo‘shoqovalar 2016-yil 20-dekabrda imzolangan “O‘zbekiston Respublikasi fuqaroligiga qabul qilish to‘g‘risida”gi Prezident farmoniga binoan O‘zbekiston fuqaroliliga qabul qilindi. 16-yanvar kuni ularga pasportlari topshirildi, deb xabar beradi Jizzax viloyat hokimligi matbuot xizmati.
“Jizzax viloyatidan Yuriy Ten, Anvarboy Ikromov, Muhabbat Qo‘shoqovalar bugundan boshlab O‘zbekiston Respublikasi fuqarolaridir”, — deyiladi xabarnomada.
“O‘zbekiston Respublikasi Konstitutsiyasining 93-moddasi 22-bandi, ‘O‘zbekiston Respublikasining fuqaroligi to‘g‘risida’gi O‘zbekiston Respublikasi Qonunining 17 va 30-moddalariga muvofiq bugun uch nafar fuqaroga O‘zbekiston Respublikasi fuqarolik pasporti topshirildi. Yuriy Ten, Anvarboy Ikromov, Muhabbat Qo‘shoqovalarni haqiqiy ma’noda yurtdoshimizga aylanganliklari bilan qutlaymiz. Shu o‘rinda yana ko‘plab insonlar mamlakatimiz fuqaroligini qabul qilish istagini bildirayotganligini ma’lum qilmoqchiman”, — dedi tadbirda chiqish qilgan viloyat hokimi.
Tadbirda so‘z olganlar mamlakatning yanada taraqqiy etishi yo‘lida ushbu fuqarolar ham o‘z hissasini qo‘shishiga ishonch bildirdi.
Izoh (0)