Жиззах вилоятида Юрий Тен, Анварбой Икромов, Муҳаббат Қўшоқовалар 2016 йил 20 декабрда имзоланган «Ўзбекистон Республикаси фуқаролигига қабул қилиш тўғрисида»ги Президент фармонига биноан Ўзбекистон фуқаролилига қабул қилинди. 16 январь куни уларга паспортлари топширилди, деб хабар беради Жиззах вилоят ҳокимлиги матбуот хизмати.
«Жиззах вилоятидан Юрий Тен, Анварбой Икромов, Муҳаббат Қўшоқовалар бугундан бошлаб Ўзбекистон Республикаси фуқароларидир», — дейилади хабарномада.
«Ўзбекистон Республикаси Конституциясининг 93-моддаси 22-банди, ‘Ўзбекистон Республикасининг фуқаролиги тўғрисида’ги Ўзбекистон Республикаси Қонунининг 17 ва 30-моддаларига мувофиқ бугун уч нафар фуқарога Ўзбекистон Республикаси фуқаролик паспорти топширилди. Юрий Тен, Анварбой Икромов, Муҳаббат Қўшоқоваларни ҳақиқий маънода юртдошимизга айланганликлари билан қутлаймиз. Шу ўринда яна кўплаб инсонлар мамлакатимиз фуқаролигини қабул қилиш истагини билдираётганлигини маълум қилмоқчиман», — деди тадбирда чиқиш қилган вилоят ҳокими.
Тадбирда сўз олганлар мамлакатнинг янада тараққий этиши йўлида ушбу фуқаролар ҳам ўз ҳиссасини қўшишига ишонч билдирди.
Изоҳ (0)