Janubiy Koreya prokuraturasi Samsung vitse-prezidenti va amaldagi rahbari Li Chje Yonni lavozimidan chetlatilgan prezident Pak Kin Xening dugonasi bilan bog‘liq korrupsiya ishi doirasida qamoqqa olishga order berdi. Bu haqda “TASS” xabar bermoqda.
Associated Press agentligiga ko‘ra, o‘tgan yil dekabrida qo‘lga olingan sobiq sog‘liqni saqlash vaziri va Milliy pensiya fondi raisi Mun Xen Pxega nisbatan ham rasman ayblov e’lon qilindi. Mansabdor Samsung kompaniyasining ikki filiali qo‘shilishiga oid bitim qo‘llab-quvvatlanishini ta’minlash uchun fondga bosim o‘tkazganini tan oldi. Gap shundaki, Pensiya fondi ushbu filiallar aksiyalarining asosiy egasi bo‘lgan.
Samsung amaldagi rahbarini hibsga olish masalasi ko‘rib chiqilishi korrupsiya ishini o‘rganayotgan maxsus komissiya 13-yanvar kuni Li Chje Yonni 22 soat davomida so‘roqqa tutganidan so‘ng ma’lum qilingandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)